Peru suyu wawakunata yanapayusunchis!

"Kawsaykumanmi chaskisqaykuwan. Kawsayta qoykumanmi yanapasqaykuwan". Winston Churchill

Willakuy

Manaraq kay asociación nisqa qallarinshaqtinmi Qosqo llaqtataqa askha kutiña rirqani , utisparaq qhawarqani rumimanta munay suntur wasikunata, hatuchachaq ch`ila rumikunamanta perqakunata, inkakunaq willka qheshwanta ancha munay anqash hanaq pachata aswantaqa kapuli ñawi chiriq atisqan sañu uya erqechakunata, samp`a sonqoyoq runakunata, k`akra qhatukunata, away qhatukunata, wak llaqtakunata: Urubamba Willka mayuta, Kay willka mayu amaru hina aysakushan machu pikchuman rina trempa rielninwan kuska.

"Zona turistica" nisqamanta lloqsispa haykunki ima munay wayq`oman, ima munay sach`akunata, urpichakunata, hatunkaray orqokunata qhawaspa, kay area turistica nisqamanta lloqsispapacha tukuy sonqoywan erqechakunata yanapayta munarqani, wakcha erqechakuna manan noqanchis hinachu yachay wasiman riyta atinku. Chay p´unchaypunin umaymanta sonqoy ukhumanta paqarimun kay "Asociación Colibrí" nisqa ruwanaypaq.

Kay q`enti sutitaqa tukuy sonqoywanmi yuyarini mamataytaypa inkillninmanmi munay urpichakuna hamuq t´ikakunaq misk´in ch´onqaq, q´entikuna kawsananpaq t´ikakunaq misk´in ch´onqasqanmi sonqoyman haykurqan: khunpaykuna mink´akuykichismi kay asociacionta yanapasunchis, qolqechasunchis chay qolqewanmi wawakunapaq yachay wasikunata ruwapusunchis chaypi yachanqaku, mikhunqaku chay wawakuna.

Noqayku kayku

Holanda suyupi, Amsterdam llaqtapin huñunakurqayku kay Asociación nisqata paqarichirqayku yaqa iskay chunka wataña.
COLIBRI Jardines Infantiles del Perú nisqaq ruwanankunaqa: qolqetan huñunan wawakunapaq hawa llaqtakunapi, yunkapi yachaywasikunata ruwanaykupaq, librokunata, cuadernokunata, wakcha wawakunapaq rantipunaykupaq.
Kay COLIBRI Asociación nisqapi qanchis runa kayku, llapayku Perú suyumanta kayku. Tawa Perú suyupi tiyanku: Limapi iskay tiyanku, Qosqopi iskay, Holandapitaq kinsa.
Kay runakuna profesioninkuwan, llank ´ayninkuwan yanapanku kay Asociacionta.

Imatan ruwayku. Imarayku

Kay Asociacionwan qolqeta huñuyku iglesiakunamanta, institucionkunamanta, runakunamanta, ama hina kaychischu yanapayuwayku kay wakcha wawakunapaq yachaywasikunata ruwanaykupaq, mesakunata, sillakunata, mankakunata, q´erokunata rantinaykupaq lecheta kiwichayoqta, kiwnayoqta uhanankupaq. Hampiq unqosqa wawakunata hampinqa, mana allin mikhusqa wawakunatapas vitaminawan yanapanqa. Kayta ruwashayku wawakuna allin kawsayniyoq kanankupaq, ancha munakuywan, allin qhawasqa wiñanankupaq.
Wawa kasqankumanta pacha yanapanayku chay wawakuna yachay wasikunaman rinankupaq, kusisqa yachanankupaq, pukllanankupaq, takinankupaq, tusunakupaq imaymanata wawa wasipi, yachay wasipi erqecha kaspa yachanankupaq. Wak llank´ana: wawakunaq mamanta yachachina kallpayoq mikhuna ruwayta, wawankuta ancha munakuywan uywanankupaq. Kay wawakunaq maman ancha wakcha kanku, qhatupi llank´anku sapa p´unchay yaqa huk, iskay dolarta gananku. Qhawariychis kay Asociacionpa ruwasqan fotokunata, q´emiyusunchisyá kay wawakunata ancha wakcha kasqanku rayku.

¡Ama hina kaychischu! Kay yanapawasqaykiku qolqewan wawa wasikunata yachay wasikunata ruwanaykupaq, terremotoq p´ampasqan llaqtakunapipas.

Colibrí wawakunapaq Navidadta ruwapunqa:

- Pisqa Eurowan wawakunapaq Navidadta ruwapusun
- Huk vaso lecheta chocolateyoqta panetonniyoqta
- Pukllanachakunata ima.

Hampiqwanpas yanapallawaqtaqmi

- Chunka eurowan rayos X nisqapaq wakin mana qhali erqepaq.
- Chunka iskayniyoq eurowan hampiqwan qhawachikunanpaq
- Chunka pisqayoq eurowan kiwichata, kiwnata rantisunman allin kallpayoq mikhuna kasqanrayku.
- Chunka qanchisniyoq eurowan libropaq, cuadernopaq isqon killapaq.
- Iskay chunka pisqayoq eurowan tawa chunka pusaqniyoq lata lechepaq, pachak erqechapaq isqon killapaq.

Yacha wasi ruwaypipas, mesakuna, silletakuna imaymana rantiypipas yanapaykuwanaykikuta munayku. Yachasqayki hina soqta hunka pisqayoq euro Holandapi impuestomanta yanapaykuwayku.
Wawa wasi yaqa kinsa pachaq metropi ruwakun yaqa soqta chunka waranqa eurowan. Wawa wasikunaqa ladrillomanta, fierromanta, cementomanta allin ruwasqa. Hampina wasipi llank´aqkuna vitaminakunawan yanapaykuwayku.

Qelqarimuwayku info@colibri08.com nisqaman.
Traducido por: Inés Callalli Villafuerte.
inescallalli@hotmail.com